Giila sa Task Force Davao ang suspek nga si Jose Ruel Faustino Wood Jr., 35 anyos nga taga-Purok Urban Tiongco, Canocotan Tagum City, Davao Del Norte.
Pasulod ang suspek sa dakbayan dihang nasayran sa kasundaluhan atol sa intensified inspection nga aduna kiniy tinipigang shabu nga mukantidad sa P8,320.00.
Giturn-over ang suspek sa Bunawan PNP ug kasong paglapas sa RA 9165 ang atubangon niini.
Gimanduan ni Task Force Davao Commander Colonel Darren Comia ang mga personahe nga mas pahugtan pa ang pagbantay sa borders sa syudad aron dili makalusot ang mga kontrabando ug mga dautang elemento.
Gawas sa intensified security measures sa border control points, nagpakatag og dugay ihap sa Task Force Davao si Comia aron masiguro ang safety ug security sa Dabawenyos karon nga gipaubos sa Alert Level 1 ang syudad.
RadyoMaN Aimee Guinita
