Maga agente del Philippine Drug Enforcement Agency del BARMM y aqui na region 9 ya aresta seiz persona na dos separao operacion na Morning Breeze, Tugbungan y na Yubenco Starmall na Putik del Webes y ayer tarde.
Na primer operacion na Tugbungan maga PDEA ya aresta con canda Juhaili, Bennajiy Palahuddin, Romel A. Alidjam and Rano A. Talib.
Un quilo de shabu ya confisca desde canila que tiene el valor de P6milliones.
Ayer tarde el mismo team ya conduci otro operacion na Purik particular na Yubenco donde ya resulta tambien na aresto di canda Kerwin Sulaiman, Bong Sawbin and Saddam Abduhassan.
Maga PDEA ya confisca desde canila el media quilo de shabu tiene el valor deP3.5millones.
Con todol maga arestao ya lleva na headquarters del PDEA na Upper Calarian pendiente el plantada del caso na corte.
