PDEA XI: 1 patay, 2 arestado sa buy-bust operation

Davao City – Kasong paglapas sa RA 9165 (Comprehensive Dangerous Drugs Act of 2002) ang iduso karong adlawa batok sa duha ka mga suspek nga nadakpan sa sunod-sunod nga buy-bust operation sa Philippine Drug Enforcement Agency (PDEA-XI) sa Davao Region diin dol-an P700K kantidad sa droga ang nasakmit.

Sikop ang usa ka college student sa Phase 1, Topaz Street, Martinez Subdivision, Mati City, Davao Oriental human kini nakuhaan sa mga operatiba og 60 gramos sa shabu nga adunay estimated market value nga P630K sa drug suspect nga si Roy Raphael Reyes Alias “Roy”, 21 anyos, ulitawo, residente sa Phase 1, Topaz Street, Martinez Subdivision, Mati City, Davao Oriental.

Nasikop usab ang 31 anyos nga drug surrenderee sa Sitio Unicarbaj, Barangay Basiawan, Sta. Maria, Davao Occidental nga si Roderick Avanciña Banayag, alias “ Ekloy” samtang patay ang suspek nga si Edgar Fernandez, alias “Jojo”, 45 anyos human giingong misukol patay atol sa gilusad nga buy-bust operation sa Purok 14, Mangustan St., Barangay Madaum, Tagum City, Davao del Norte.


Narekober sa posisyon sa napatay nga suspek ang nagkantidad sa P45K nga shabu ug .38 kalibreng rebolber.

Nasamdan sa maong operasyon ang usa sa mga PDEA personnel.

RadyoMaN Aimee Guinita

Facebook Comments