Ang maong aktibidad gihaum sa selebrasyon sa National Peace Consciousness Month ning bulan sa Setyembre.
Gipangunahan sa Heavenly Culture, World Peace, Restoration of Light (HWPL) ang maong aktibidad diin ang HWPL usa ka international non-proft organization nga naga-promotar og kalinaw sa kalibutan ingon man pag-undang sa mga kagubot o giyera.
Gipakita sa maong docu ang malampusong peace movement sa Mindanao nga nag-ambag sa peace process sa isla.
Sa pagbisita ni HWPL Chairman Lee Man-Hee, usa ka Korean war veteran dinhi sa Mindanao niadtong 2014, nagpatunga kini sa civilian peace agreement nga gipirmahan nila Archbishop Emeritus Fernando Capalla ug kanhi Maguindanao Governor Esmael “Toto” Mangudadatu niadtong January 14, 2014 sa General Santos City.
Ang maong kasabotan maoy sinugdanan sa pagduso sa maong organisasyon nga mapromotar pa ang kalinaw dili lang sa Mindanao apan sa tibuok Pilipinas.
Matud pa nga si Chairman Lee nasayod sa kasamok sa Mindanao ug buot niini nga maangkon ang kalinaw ug mangamuyo nga walay kagubot.
Nagtuo kini nga ang maong bantogan nga legasiya ang maayong mapasa sa sunod nga henerasyon.
Gisulti sab ni Mangudadatu sa maong film nga sukad napirmahan ang peace agreement, naobserbahan nila karon ang pag-ubos sa mga insidenteng kasamok sa Maguindanao ug mga kasikbit nga lugar niini.
Tipik sa docu mao ang gipakitang pagtukod og peace monuments sa lahi-lahing parte sa Pilipinas sama sa Cotabato peace monument diin usa sa mga gigamit nga materyales mao ang melted weapons sa Moro Islamic Liberation Front (MILF) isip pagpakita nga nakighiusa sila sa panawagan sa kalinaw sa Mindanao.
Duna usab parte sa maong film atol sa pagbisita sa HWPL sa Maguindanao mao ang madungog ug makitang panawagan sa mga bata ingon man mga hamtong nga kinahanglan nila og kalinaw sa Mindanao.
“We want peace,” singgit sa Mindanaons nga gipakita sa peace documentary.
Samtang, panawagan sa kagabii ni HWPL Philippines Chief Brand Manager nga si John Rommel Garces nga padayong suportahan ang maong adbokasiya tungod alang kini sa kaayuhan sa tanan.
RadyoMaN Renz Barbarona
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
