Davao City – Sa pagtumaw novel corona virus daghan ang nagbagolbol sa nasudnong gobyerno pinaagi sa Department of Health tungod dyutay ra kaayo ang gipagula nga mga impormasyon labot sa mga tawo nga nataptan sa mao nga balatian.
Apan matud ni Southern Philippines Medical Center Chief of Clinics Dr.Ricardo Audan nga sensitibo ang mga impormasyon sa mga natakbuyan butang nga dili angay hatagan og kahigayonan ang publiko nga makasayod sa personal nga impormasyon sa mga tawo nga nagbaton sa misteryoso nga balatian nga unang mibuto sa Wuhan City sa mainland China.
Giingon ni Audan nga limitado lamang ang dapat ihatag nga kasayoran sa publiko kini mulangkob lamang sa gi-quarantine,gimonitor, ug mga persons under investigation sa corona virus.
Gipasabot niini nga magpatigbabaw pa gihapon ang pribasiya ug angay mapreserba ang personal nga kasayoran sa mga tawo ug sa ilang mga pamilya nga nataptan sa makatamay nga balatian aron makali-kay sila sa mga pagsalikway ug pagsaway sa katawhan.
Dugang pa niya nga ang puwede lamang makuha nga mga impormasyon sa publiko kadtong la-mang may kalabutan sa mga persons under investigation,gi-quarantine, gimonitor, ug ang mga nagpositibo ug may katungod ang kagamhanan sa pagdumili kun pagbalibad sa pagyagyag sa sensitibo nga mga impormasyon nga gikinahanglan sa katawhan.
Gidasig sa opisyal ang mga anaa sa gobyerno partikular ang Department of Health nga maghinay-hinay sa pagpagula og mga impormasyon aron magpabilin nga confidential ug maprotektahan ang katunod sa mga tawo nga nataptan sa makamatay nga balatian.
RadyoMaN Joel Viray
