Makakapag angkat na ang Pilipinas ng Belgian poultry kasunod ng pagtatanggal ng Department of Agriculture o DA ng pansamantalang pagba-ban nito, matapos makapagtatag ng sapat na pag-iingat ang mga bansa sa Europa kontra High Pathogenicity Avian Influenza.
Sa Department Circular No. 25 ng DA, pormal nang kinikilala nito ang regionalization protocols ng Begium para sa bird flu, habang kabilang naman sa mga maaari nang iangkat ay ang domestic at wild birds, karne ng manok, day-old na mga sisiw, itlog, at semilya mula sa bilaterally-recognized free zones.
Dahil dito, mas lalawak ang option ng departamento para mapatatag ang lokal na supply ng poultry at seguridad ng pagkain sa bansa.
Matatandaang ipinatupad ang pansamantalang pagba-ban ng importasyon ng poultry products mula sa Belguim noong nakaraang taon para maiwasan ang nakaambang pagkalat ng avian influenza.
