Pinakaunang ‘Drag Lipsync’ ug ‘Cheerdance Competition’ muarangkada sa Araw ng Dabaw

Davao City- Kinse ka drag queen participants ang magtigi sa Marso 10, 2023 alang sa grand finals sa pinakaunang Drag Lipsync Competition atol sa Araw ng Dabaw sa Rizal Park Dome alas-6:00 sa gabie.

Sumala ni Wadab Babao, organizer, ang kompetisyon abli sa tanang genders ug dili lang para sa mga taga-Davao nga mga partisipante, gani adunay mga finalists nga taga-SOCCSKSARGEN ug Iligan City.

Ang Champion mudawat sa premyo nga P25,000, 2nd place P20,000, 3rd place P15,000, 4th place P10,000 ug 5th place P10,000.

Samtang, magtigi atol sa finals karong March 11, 2023 sa Davao Recreational Center alas-3:00 sa hapon ang unom ka mga grupo sa Cheerdance Competition.

Sumala ni Babao, minimum sa 25 ka ug maximum sa 30 ka miyembro sa kada cheerdance group.

Mudaog og cash and trophy ang mga winners, P150,000 para sa grand winner, 2nd place P100,000, 3rd place P75,000 ug mudawat og alang sa consolation prizes mudawat og P30,000 each.

Giimbitahan ni Babao ang mga Dabawenyos ug mga bisita nga musalmot sa mga aktibidad ug libre kun free admission lang kini.

RadyoMaN Aimee Guinita