Davao del Norte – Nakaigo sa usa ka establisyimento ang bus nga gipanag-iya sa Barangay Mankilam pasado ala-1:45 sa kaadlawon adlaw’ng Martes, Agosto 11, 2026, sa atubangan sa Barangay Hall sa Mankilam, Tagum City human giingong gidrayban sa usa ka lalaki nga gituohang dunay kondisyon sa panghunahuna.
Sa interview sa DXDC RMN Davao kang PLTCOL Edgardo Bahan, Acting Chief of Police sa Tagum City Police Station, base sa ilang inisyal nga imbestigasyon, gibiyaan sa driver ang bus nga nakaungot ang susi ug abli ang pultahan dayon misulod sa bus ang maong lalaki ug gidrayban kini og mibangga sa maong establisyimento, samtang gihimakak sa kapulisan nga hubog ang orihinal nga driver sa bus.
Wala’y naangol sa maong insidente tungod walay pasahero ang bus ug walay tawo sa naapektuhang establisyimento, samtang anaa na sa kustodiya sa kapulisan ang maong lalaki alang sa tukmang disposisyon ug posible usab nga mag-atubang og kaso sa negligence ang driver sa bus.
Dugang pa nga matud sa traffic investigator, gipahibalo na nila ang Barangay Captain sa Mankilam ug adunay panagsabot ang Barangay ug ang nagdumala sa naapektuhang establisyimento.
Subay niini, nagpahimangno ang kapulisan sa mga driver, pampubliko man kun pribado, nga tangtangon ang susi ug sirad-an pag-ayo ang sakyanan kon biyaan aron malikayan ang paggamit niini sa uban ug malikayan ang posibleng kadaot sa kabtangan kun katawhan.
RadyoMaN Wil Duran
Sa interview sa DXDC RMN Davao kang PLTCOL Edgardo Bahan, Acting Chief of Police sa Tagum City Police Station, base sa ilang inisyal nga imbestigasyon, gibiyaan sa driver ang bus nga nakaungot ang susi ug abli ang pultahan dayon misulod sa bus ang maong lalaki ug gidrayban kini og mibangga sa maong establisyimento, samtang gihimakak sa kapulisan nga hubog ang orihinal nga driver sa bus.
Wala’y naangol sa maong insidente tungod walay pasahero ang bus ug walay tawo sa naapektuhang establisyimento, samtang anaa na sa kustodiya sa kapulisan ang maong lalaki alang sa tukmang disposisyon ug posible usab nga mag-atubang og kaso sa negligence ang driver sa bus.
Dugang pa nga matud sa traffic investigator, gipahibalo na nila ang Barangay Captain sa Mankilam ug adunay panagsabot ang Barangay ug ang nagdumala sa naapektuhang establisyimento.
Subay niini, nagpahimangno ang kapulisan sa mga driver, pampubliko man kun pribado, nga tangtangon ang susi ug sirad-an pag-ayo ang sakyanan kon biyaan aron malikayan ang paggamit niini sa uban ug malikayan ang posibleng kadaot sa kabtangan kun katawhan.
RadyoMaN Wil Duran
Facebook Comments
