Pinangita sa balaod sa kasong pagpatay, nadakpan

26
Dinas, Zamboanga del Sur – Balhin na sa presohan ang pinuy-anan sa usa ka pinangita sa balaod human kini ang nadakpan sa kapulisan sa gilusad nga operasyon didtung dapita sa Sitio Patag, Brarangay Upper Sibul, Dinas, ZDS alas 11:23 ang takna sa buntag kagahapon January 17, 2021.
Base sa report ni Police Major Mario Regidor, ang hepe sa Dinas Municipal Police Station ang nadakpan nga suspek mao si Edgar Ting Cañete, 39-anyos, ulitawo ug residente sa Purok Marang, Brgy. Sumpotan, Dinas, Zamboanga del Sur, Top Most Wanted Person Rank # 1, Municipal Level.
Gi-aresto ang akusado pinasikad sa gahom sa warrant of arrest sa kasong pagpatay pinitsahan atung December 10, 2021 pinaagi ni Hon. Ruben N. Bance sa 9th Judicial Region, Branch 29, San Miguel, Zamboanga Del Sur.
Ang maong dinakpan ang himas rehas na karon sa mabugnaw nga bilanguan sa Dinas Municipal Police Detention facility samtang wala kini gitugutan sa korte nga maka-pyansa pa bugti sa iyang temporaryo nga kagawasan.
Facebook Comments