Davao City – Balik na sa normal ang klase sa Sta. Ana National High School ning atong syudad sa Davao human sa suspensyon sa klase kagahapong adlawa tungod sa kusog nga linog niadong Huwebes sa gabii, October 16, 2019.
Kini ang gikumpirma ni Reynaldo Pardillo, magtutudlo sa maong eskwelahan sa interbyu sa DXDC RMN Davao.
Gikumpirma niini nga walay mga major damages sa ilang mga buildings human kini gi-check sa city engineers office apan nagbutang sila og mga signages kung asa muagi padulong sa evacuation centers panahon sa kalamidad.
“So far wala kaayo mi damage diri pero ginabantayan gihapon namo ang mga areas labi na basin og aduna pay masinatiang mga aftershocks,” saysay ni Pardillo.
Saysay ni Pardillo nga ilang apason ang ilang klase labi na nga karong adlawa ang katapusang adlaw sa klase ayha ang usa ka semana nga bakasyon sa mga estudyante.
RadyoMaN Kirby Manzon
