Pipila ka mga istruktura sa dakbayan nakitaag liki tungod sa 6.1 magnitude nga linog, 2 eskwelahan nagsuspende og klase

Davao City – Nakatala og mga minor damages ang pipila ka mga buildings sa dakbayan sa Davao tungod sa pag-igo sa Magnitude 6.1 nga linog kagahapon.

Sa interbyu sa RMN Davao kang Alfredo Baloran, CDRRMO chief, nagpahigayon sila og massive building inspeksyon sa mga pribado ug pampublikong buildings sa syudad.

Base sa resulta sa gihimo nilang inspeksyon, girekomendar nga temporaryong isarado usa ang Matina Crossing Overpass tungod sa nakitang bag-ong liki, samtang adunay mga hairline cracks ang Daniel R. Aguinaldo National High School, Mintal Elementary School, Holy Cross Calinan, City Health Office – Jacinto Health Center ug City Social Welfare and Development Office (CSWDO) main office.

Tungod sa himuong assessment ug para sa safety sa mga estudyante nagsuspende og klase ang Mintal Elementary School ug Mapúa Malayan Colleges Mindanao karong adlawa.

Samtang stable na ang kondisyon sa mga estudyanteng nangalipong sa DRANHS ug Holy Cross Calinan nga gipangdala sa ilahang mga school clinics tungod sa epekto sa kusog nga linog.

RadyoMaN Aimee Guinita