Pito ka alleged NPA members sa Tugbok gi-monitor

Davao City – Nagapatala ang elemento sa 3rd Infantry Batallion Philippine Army sa buhatan sa Tugbok Police Station human nasiplatan nila ang pito ka gituohang myembro sa New People’s Army diha sa usa ka balay sa Barangay Matina Biao Tugbok District ning syudad.

Subay sa report badang ala una pasado kaganinang kadlawon nasiplatan ni 1st Lt. Ronaldo Grefaldia ug Capt. Rolen Sobrevega ang alleged nga mga sakop sa NPA Sparu unit sa nahisgutan nga lugar hinungdan nga nakig koordinar sila sa kapulisan sa Tugbok PNP.

Ang station commander sa presinto 9 nga si PCI Paulino Zaulda Jr. naghimo na og validation sa maong report ug gipahibalo na usab ang labaw nga mga headquarters aron ibutang sa kasigurohan ang mga sibilyan inkaso mobuto ang engkwentro.


Ang mga intelligence personnel sa maong buhatan sa kapolisan naglusad na og monitoring sa maong lugar aron mailhan ug madakpan ang maong grupo.

RadyoMaN Paul Canono

Facebook Comments