Tagum City – Nasamdan ang usa ka 55-anyos nga babaye human maigo sa gilabay nga vase atol sa panaglalis sulod sa ilang panimalay sa Purok Papaya, Barangay Mankilam, Tagum City, miaging gabii.
Base sa inisyal nga imbestigasyon sa kapulisan, naglalis ang suspek nga hubog sa iyang amahan ug sa kasuko niini, milabay og vase. Apan, ang iyang inahan nga misulay unta sa pagpatunga, maoy naigo sa ulo hinungdan sa samad.
Gi-respondehan sa mga pulis ang insidente ug dayong gidakop ang 21-anyos nga suspek.
Sa karon, anaa na sa Tagum City Police Station ang maong suspetsado ug gipahibalo sa iyang mga katungod samtang ginahulat ang hustong disposisyon sa kaso.
RadyoMaN Kareen Beltran
Facebook Comments
