Davao City – Gibutyag ni Davao City Police Office City Director Peter B. Madria nga normal lamang ug angay suportahan ang matag lihok ug kadaugan sa Philippine National Police (PNP), ilabi na kon kini nagpakita sa dedikasyon sa kapulisan sa pag-alagad sa katawhan.
Sumala pa kaniya, kabahin kini sa padayon nga paningkamot sa ahensya aron mapalig-on ang pagsalig ug pagsabot sa publiko sa ilang mga programa ug operasyon.
Gipasabot ni Madria nga pinaagi sa pagpakusog sa online presence, mas mapadali ang pagpaabot sa impormasyon ngadto sa katawhan, lakip na ang mga kalampusan, inisyatibo, ug kalihokan sa PNP.
Dugang pa niya, importante ang digital platforms aron mapalambo ang komunikasyon tali sa kapulisan ug komunidad, ilabi na sa kasamtangang panahon nga dako na ang papel sa social media sa paghatag og balita ug impormasyon.
Kini nga lakang, matud pa sa opisyal, kabahin sa padayon nga paningkamot sa PNP sa pagpalig-on sa transparency, community engagement, ug public awareness.
RadyoMaN Kareen Beltran
Facebook Comments
