Planong pagbawal sa LSI sa Gensan karong Disyembre gipalagan

37

General Santos City—Gipalagan sa usa ka Konsehal sa syudad ang plano sa lokal nga panggamhanan sa Gensan nga dili una tugutan nga makasulod sa Gensan ang mga Locally Stranded Individuals (LSI) og mga Authorized Person Outside Residence (APOR)karong bulan sa Disyembre.
Si City Councilor Atty. Jeng Gacal supak sa maong plano. Atol sa regular session gibutyag sa Konsehal nga ang temporaryong pag-ban sa mga LSI ug APOR makonsiderang unconstitutional kon wala mahisubay sa balaud ug wala matud pay nabutang sa resolusyon sa National IATF nga pwedeng maghimo ug susamang aksyon ang us aka LGU.
Dugang niini kung ihinayon ni Gensan City Mayor Ronnel Rivera ang maong lakang, posible kining mag-atubang ug kasong kriminal ilalom sa Article 239 sa Revised Penal Code. Dugang pamahayag ni Kag. Gacal nga ang posibleng pag-ban sa mga LSI ug APOR ang makonsiderang General Rule sa syudad, kung asa posibleng mahimong liable si Mayor Rivera sa article 32 sa civil code gumikan dili matud pa pwedeng pugngan ang usa ka tawo sa mga buot niining himuon.(LVR)

Facebook Comments