Davao City- Nagpahimangno ang kapulisan sa mga DavaoeƱos nga mag-doble igmat batok scammers ug mga kawatan nga musiaw karong holiday season.
Giawhag ni Police Major Catherine Dela Rey, Davao City Police Office (DCPO) spokesperson ang katawhan nga kung muadto man sa mga crowded places bantayan gayod ang mga kagamitan aron dili makahigayon ang mga dautang elemento nga makahimo’g krimen.
Nakafull-alert status ang DCPO sa tanang places of convergence, simbahan, malls ug mga suroyanan.
Sumala ni Dela Rey nga i-practice usab ang culture of security ug i-report sa mga awtoridad kung adunay mga kadudahang mga tawo o kagamitan sa palibot.
Gipakusgan usab sa kapulisan ang pagpatrolya pati na sa mga residential areas diin posibleng mutaas gayod ang crime against property sa bulan sa Disyembre.
RadyoMaN Aimee Guinita
Facebook Comments
