CTTMO: Soft road closures tungod sa Pasko Fiesta ipatuman sunod semana

Davao City – Subling nagpahimangno ang City Transport and Traffic Management Office (CTTMO) sa mga motorista nga sundon ang alternate nga ruta nga ipatuman sunod semana alang sa selebrasyon sa Pasko Fiesta.

Sa interview sa DXDC RMN Davao kang Dionisio Abude, CTTMO Chief nga magpatuman sila og soft road closures karon Disyembre 16 ug 17 tungod sa pagpasulod sa mga gamit og pag install niini sa San Pedro Square.

Gipasabot ni Abude nga karon Disyembre 18 ipatuman ang full road closures sa San Pedro Street diin diha ipahigayon ang aktibidad sa Pasko Fiesta. Lakip sirad-an ang dalan sa CM Recto, Bolton Street, Crooked Road ug Anda Rizal.

Ang alternate nga ruta ipatuman gikan ka sa Quimpo o Trading Boulevard patuo sa CM Recto agi sa Rizal padulong sa dalang Pelayo.

“Ang uban wala tay closures kay ang uban naa naman sa People’s Park ang ipahigayon nga mga activities. Ang uban sab didto ra sa pahalipay sa mga Distict. So mao na nga dunay gituman nga road closures”, sulti ni Abude.

RadyoMaN Don Pulayao