Davao City — Na-inquest na sa mga operatiba Sta. Ana Police Station ngadto sa korte ang usa ka police auxiliary nga si Nelson Guerra Yap, 52 anyos, kinsa giingong nangawat og duha ka helmet human kini nakuhaa’g CCTV nahitabo gawas sa usa ka eskwelahan mahimutang sa Brgy. 14-B, Davao City.
Sumala ni Police Master Sargent Adnan Ahadain, Chief Investigator sa Sta. Ana Police Station, kasong theft ang gipasaka sa korte batok sa maong suspek.
Atol sa pakighinabi sa DXDC RMN Davao ngadto sa suspek, giangkon niini ang binuhatan ug gipasabot nga iya kining nahimo tungod sa problema sa iyang pamilya diin daghan matud pa kini og utang.
Kahinumdoman nga nagpatala sa presinto ang duha ka criminology students nga sila Arvy Calatrava ug John Paul Sumbilin human nahanaw ang ilang mga helmet nga gibutang sa motorsiklo.
RadyoMaN Don Pulayao
Facebook Comments
