Davao City-Aron nga masiguro nga luwas sa bird flu ang mga manok dinhi sa siyudad sa Dabaw, magpahigayon ang Department of Agriculture kun DA og surveillance sa mga poultry farm dinhi sa dakbayan.
Kini ang sigun ni Doctor Dannie Apelo, tigpamaba sa DA-Davao Region Avian Influenza spokesperson atol sa interview sa DXDC RMN Davao kaniya diin ipahigayon kini karong Agosto 24, Agosto 30 ug Setyembre 4 sa Talomo, Calinan, Tugbok ning siyudad.
Dugang ni Apelo, og duna may mamatikdan nga dili normal sa mga kahayupan, mamahimong ipahibalo gilayon sa mga hingtungdang ahensya.
“Gi-awhag sila nga kung duna may mamatikdan nga unusual mortalities nga mahitabo sa ilang mga binuhi, signs appointing to bird flu, ipahibalo dayon sa Department of Agriculture, City Veterinarian’s Office, City Agriculturist Office, Barangay o munisipyo,’’ sigun ni Apelo.
Subay sa ginapakusgang monitoring sa Rehiyon XI, giestablisar na ang mga quarantines sa tanang entry points sa rehiyon ug andam na sab ang mga personahe sa DA sa pagahimuong inspeksyon sa mga pasaherong musulod gawas sa rehiyon ug mga sakyanan kung dunay dala nga mga produkto sa manok.
Kasamang Renz Barbarona
