PRINCIPAL, PATAY MATAPOS NGA GINBUNO SA SULOD SANG APARTMENT; KAUPOD SINI NGA MENOR DE EDAD, PILASON MAN!

35
Roxas City, Capiz – Patay ang isa ka principal samtang pilason ang kaupod sini nga bata nga babaye matapos ang mga ini ang ginpangbuno sa sulod sang gina-istaran nga apartment sa Green Earth Village, Barangay Mongpong, Roxas City.
Ginkilala ang biktima kay Jun Mencedes y Vista, 55-anyos, principal sang Minoro Elementary School sa Barangay Bula, Mambusao, Capiz.
Nag-angkon sang patal nga pilas sa iya liog kag dughan ang biktima nga gintunaan sang kamatayon sini sang gindangat sa Health Centrum Hospital sa Barangay Banica, Roxas City.
Suno sa inisyal nga imbestigasyon, magkaupod pa sa pag-inom sang gab-i ang biktima kag suspek nga wala pa mahingadlan.
Sang nagahigda na ang principal, ginpahayag nga nagkuha sang gunting ang suspek kag ginbuno ang biktima kag menor de edad sini nga anak.
Nag-angkon man sang pilas sa butkon ang puya sini nga babaye.
Sa subong, nagapadayon pa ang hot pursuit operation sang kapulisan sa suspek samtang ginatumod ang motibo sang krimen.
Ang ginapatihan suspek ang isa ka schoolboy.
by: Hervill Bonifacio | August 16, 2022
Facebook Comments