Ginpa-andaman ni Police Regional Office 6 spokesperson Police Supt. Gilbert Gorero ang mga pulis nga mahilig maghampang kag magsulod sa mga Cockpit Arena okon bulangan kay basi sila ang una nga masampulan sa paglibot sang Criminal Investigation Task Force (CITF).
Liwat ginpahanumdum ni Gorero ang mandu halin kay Philippine National Police Chief Ronald ‘Bato” DeLa Rosa nga bawal magsulod sa bulangan ang katapo sang PNP. Dugang pa sini nga indi nila luyag nga makita sang publiko nga mismo ang mga kapulisan ang kabahin sang kasubong nga mga aktibidad.
Sa pihak sini nagapasalamat man si Col. Gorero sa nagapadayun nga suporta sang publiko para mapapas ang mga illegal nga aktibidad sa rehiyon kadungan sang pagpangabay sa padayun nga pagbulig kag pagsalig sa ila para sa katawhayan sang tanan.
