Naglabas ng paalala ang mga awtoridad sa publiko hinggil sa mga hakbang upang makaiwas sa insidente ng pandurukot, lalo na sa matataong lugar.
Ayon sa pulisya, mahalagang manatiling alerto sa paligid dahil ang biglaang pagbangga sa siksikan ay isa sa mga karaniwang modus ng mga mandurukot. Pinayuhan din ang publiko na gumamit ng bag na may zipper o lock at tiyaking nasa harapan ito upang maiwasan ang pagnanakaw.
Iminungkahi rin na magdala lamang ng sapat na pera at mahahalagang gamit upang mabawasan ang posibleng mawala sakaling mabiktima ng krimen. Bukod dito, pinapaalalahanan ang mga mamamayan na ilagay ang wallet sa harapang bulsa o sa loob ng bag at iwasan ang paglalagay nito sa likurang bulsa.
Binigyang-diin ng mga awtoridad na ang pagiging mapagmatyag at maingat ay mahalagang susi upang mapanatili ang kaligtasan ng bawat isa laban sa kriminalidad. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
