Probinsya sa Zamboanga del Sur, luwas gihapon sa African Swine Fever

20
Zamboanga del Sur – Luwas gihapon sa African Swine Fever ang Probinsya sa Zamboanga del Sur, kini ang gipaklaro sa Provincial Veterinary Office.
Gitataw ni Doctor Ernest Jan Duldulao, ang unang nikatag nga balita sa kauluhan nga apil ang Zamboanga del Sur nga apektado sa sakit sa baboy nga ASF.
Sumala ni Duldulao nga ang Probinsya maoy adunay pinakadako nga Hog Industry sa tibuok nasod kon asa mikabat pa sa 5 bilyones ka pesos ang production sa mga baboy sa tuig 2020.
Gisaysay sa Doctor nga naningkamot ang Provincial Veterinary Office kauban ang uban pang mga ahensya sa Gobyerno ingon man ang Provincial Government aron dili makalusot ang sakit nga ASF sa Pronbinsya.
Iya usab nga gipahimangnuan ang hog raisers nga mosunod sa mga pamaagi aron malikayan ang pagkatag ingon man ang pagtakod-takod niini.
Facebook Comments