Problema sa mga stray dogs sa Malaybalay, gitutukan sa City Veterinary Office

Gitutukan karon sa lokal nga pangagamhanan sa Malaybalay pinaagi sa City Veterinary Office ang problema sa mga stray dogs sa matag barangay ning siyudad.

Sa interview sa RMN Malaybalay ngadto kang Dr. Omar Cahanap sa City Veterinary Office (CVO)-Malaybalay, gibutyag niya nga nakalatid sa City Ordinance no. 668 sa pagpandakop sa mga stray dogs.

Sagad na matud pa sa matag barangay ning siyudad ang pagkatag sa mga stray dogs sa komunidad.

Dugang pa nga mandato sa mga barangay nga maoy mandakop sa maong mga iro aron nga malikayan ang insidente sa mga mapaakan nga prone sa sakit nga Rabies.

Last resort na sumala pa ang City Veterinary Office nga mandakop sa mga iro kung ugaling maglisud ang mga barangay sa pag-enforce sa ordinansa.

Apan dili matud pa makaya sa buhatan ang pag-enforce niini maong gikinahanglan nila ang tabang sa mga barangay.

Giklaro pud ni Dr. Cahanap sa katawhan nga dili pasagdan nga maglatagaw ang ilang mga binuhi nga mananap sama sa iro aron nga malikayan ang paghugaw niini bisan asa.

Facebook Comments