Sa interview sa DXDC RMN Davao kang PSSSO Head Angel Sumagaysay, miingon kini nga ang pagsilot sa mga nagyaga-yaga sa pagtawag sa Central 911 hotline usa ka pamaagi aron matagaan og pagdisiplina ang mga prank callers.
Dugang sa opisyal, ang hotline sa central 911 alang lamang sa mga tinuod nga nanginahanglan og tabang panahon sa bisan unsang emerhensiya rason nga dili dapat mag-prank tungod maapektohan ang ilang trabaho sa pagserbisyo sa katawhan.
Kahinumduman, anaa na sa unang pagbasa ang laraw nga ordinansa sa usa ka konsehal sa dakbayan nga giduso ni Committee on Peace and Public Safety Chairwoman 1st District Councilor Luna Acosta diin nag tumong nga masilotan ang mga nang-abuso sa katungod nga makapangayo og tabang sa mga emergency team sa dakbayan sa Davao.
Subay sa datos sa Davao Central 911, anaa sa dul-an 350,000 ang ilang mga nadawat nga tawag apan naa lamang 48,816 o 12 porsyento ang natalang tinuod nga emergency calls samtang 60 porsyento ang dili tinuod, prank o nuisance call.
RadyoMaN Don Pulayao
