Pulis, giatangan, suspek patay

39
Patay ang suspek sa pagpamusil sa usa ka pulis human nga mabaslan kini sa biktima pasado ala 1:35 kaganihang kadlawon didto sa Purok-3, Barangay Batangan, Valencia City, Bukidnon.

Giila ang pulis nga si PCpl. Raymond Fabela, hingkod ang pangidaron, minyo, ug na-assign isip miyembro sa City Drug Enforcement Unit (CDEU) sa Valencia City Police Station samtang padayong ginaila ang suspek nga nakabsan sa kinabuhi.

Sumala sa report, nga paule ang naasoy nga pulis sa iyang pinuy-anan sakay sa iyang motorsiklo gikan sa sa presinto sa siyudad sa Valencia, sa dihang pag-abot sa lugar kung asa nahitabo ang insidente, giatangan kini sa wala mailang suspetsado ug didto gipabuthan sa ang biktima.

Nakahiagom og samad-pinusilan sa walang bukton ang biktimang pulis hinungdan nga nakabunlot pa kini sa iyang gidalang pistola og mibalos pagpabuto ngadto sa suspek nga miresulta sa kamatayon niini.

Narekober sa lugar-nahitaboan ang upat ka mga basyo sa 9mm nga pistola nga maoy gigamit sa pulis.

Kasamtangan nga anaa sa kustodiya sa Valencia City Police Station ang pulis nga nalambigit sa maong insidente alang sa tokmang disposasyon samtang padayon pa ang imbestigasyon sa kapulisan sa pagsuta sa motibo sa maong pagpamusil.

Facebook Comments