TACLOBAN CITY – Duha ka adlaw antis an pasko, gin-ambush patay an usa nga pulis han diri pa makilal-an nga suspek ha Tacloban City.
Basi ha report han Police Regional Office 8, ginkilala an biktima nga hi Police Officer 2 (PO2), Lawrence Tabungar, presente nga naka-assign ha Mobile Patrol Unit han Tacloban City Police Office.
Nahinabo an insidente alas 9:15 han aga kanina, Sunday, ha atubangan la mismo han Eastern Visayas Regional Medical Center (EVRMC) Brgy. 93, Bagacay.
Nagawas ha inisyal nga imbistigasyon han mga otoridad, an biktima in sakay han iya kotse ngan tipauli na ha ira panimalay tungod nga kahuhuman la han iya duty pero nakabantay na an suspect/s sakay hin kulay pula nga pick-up truck ngan ginpamumusil an biktima.
Waray na kinabuhi an biktima, makikit-an ha sakob han iya sarakyan an usa kabox han cake.
