Pagadian City – Nanawagan karon sa katawhan sa probinsya ang kadumalahan sa Zamboanga del Sur Police Provincial Office nga pahimuslan ang gikatakda nila nga aktibidad karung sunod semana ang “Pulis Natin” Caravan.
Ang kapulisan sa probinsya mao ang mohimo sa maong aktibidad karung petsa 7 sa agusto nga didto ipahigayon sa Buhatan sa Regional Mobile Force Battalion 9,2nd Maneuvering Company nga nahimutang brgy. Balintawak ning syudad sa Pagadian.
Makabenipisyo sa maong kalihukan ang mga nanag-iya og motorsiklo kay nianang panahona modawat ang kapulisan sa mga magparehistro alang sa boot makadawat sa Clean Rider Sticker.
Ang usa ka motorista nga makabaton sa nahisgutan nga sticker dili na mahasul sa ilang pagbyahe ilabina kun makasugat og police checkpoints.
Gikinahanglan nga e-presinta sa kapulisan ang Official Receipt o Certificate of Registration, driver’s License, Government Issued Id ug lakip nga ipakita ang motorsiklo.
