Pusher wala binli’g kinabuhi sa pulis

Davao City – Wala binli’g kinabuhi sa pulis ang usa ka drug pusher nga gilusaran og buy-bust operation sa may Madapo Hills, Bankerohan alas-3:50 sa hapon sa milabay’ng adlaw.

Kamatooran niini, patay nang nahidangat sa Southern Philippines Medical Center (SPMC) si Lulie Sumalpong, 23 anyos, ulitawo, ug nagpuyo sa Purok 9 sa susamang dapit gumikan sa mga samad-pinusilan nga nahiagoman sa suspek.

Nasayran nga dihang nabantayan sa suspek nga sakop sa pulis ubos sa Mintal PNP ang mupalit kaniya og droga kalit lang nga mibunot og pistola si Sumalpong dayon namusil punting sa pulis.

Abtik nakabalos og pusil ang pusil ug nasundan pa kini og ikaduhang higayon ug daw na-fatal og pagka-igo sa suspek mao nga DOA na miabot sa SPMC ang nasangpit nga ulitawo.

Ang mga sakop sa Scene of the Crime Operatives XI kinsa mipahigayon og parallel investigation nakarekober og punto 22 nga pistola, pila ka gramo sa marijuana, ug siyam ka sachet sa gitohoang shabu gikan sa napatay’ng suspek.

Nasuta nga nakaabot sa area sa Mintal PNP ang iligal nga operasyon sa suspek busa napailawom kini sa surveillance ayha gilusaran og operasyon kontra droga ang suspek.

RadyoMaN Joel Viray

Facebook Comments