Quema na Sulu bajo pa na imbestigacion

19

Ta continua dale assistencia el gobierno de Sulu junto con el DSWD con el miles del maga individual quien ya perde diila casa durante el mas de dos hora insendio ya sosede na dos barrio na Sulu del Martes tarde.
Con el maga victima temporaryamente ya lleva na un temporaryo evacuation center donde dayun tambien ya dale diila maga necesidades el gobierno local del Sulu.
Pasada alas dos del tarde cuando ya prinsipiya el quema na Walled City hasta yan calayat el fuego na barrio de Bus-Bus.
despues del mas de dos hora, ya puede siempre afasigua con el fuego el maga miembro del bumbero.
Este maga tiempo ta continua el maga personajes del bumbero imbestiga para sabe el estimao destroso y causa del quema.
Asegun mayoria del maga ya quema casa hecho de palo si porque semejante na Labuan bien llijero man calayat el fuego.

Facebook Comments