Davao City – Pasado na sa second reading ang resolusyon bahin sa pagpakusog sa halapad nga kaalam kalabutan sa child protection ug anti-rape law.
Sumala ni Committee on Women, Children and Family Relations chairperson Avegayle Omalza, nahisgutan sa ilang komitiba ang mga isyu nga sakop sa anti-rape sama sa child protection sa mga tulunghaan, paggunit sa mga kaso sa rape sa kabarangayan ingon man ang pagtaas sa kaso sa rape dinhi sa syudad sa Davao.
Base sa datos sa Department of Social Welfare and Development (DSWD), tuig 2016-2017 adunay mahitabo nga pagpanglugos matag 62 minutos sa nasud Pilipinas diin pito sa matag napulo ka mga biktima pulos mga kabatan-onan.
Gani, gilusad karong adlawa ang kampanya batok child rape sa pagpanguna sa Child Rights Network sulod sa Sangguniang Panglungsod (SP) building diin tumong niini ang pagduso nila nga palapdan ang edad sa mga biktima sa statutory rape gikan 16 anyos paubos.
RadyoMaN Jason Amisola
