Report nga kaso sa ASF sa Butuan fake news

40

“Fake news” ang tahu nga matud pa adunay kaso sa African Swine Fever (ASF) diha sa Brgy. Tiniwisan ning dakbayan sa Butuan.
Kini ang gipaabot nga pamahayag ni Dr. Mancio Danilo Alegado, ang city veterinarian sa Butuan sa interview sa RMN DXBC Butuan.
Gibutyag sa opisyal nga na-monitor karon sa ilang buhatan ang mitumaw nga modus sa mangingilad nga mosuroy sa kabarangayan ug magsabwag ug bakak nga impormasyon ngadto sa mga back yard hog raisers kalabot sa ASF aron magbaton sila ug kahadlok dayon motanyag nga paliton ang baboy nga litsonon sa kantidad nga P500 lamang.
Usa kini ka matang sa pagpangilad ngadto sa mga hog raisers kung diin padayong giimbistigahan sa ilang buhatan.
Niya pa nga walay laing makadeklara kung naapektohan naba sa ASF ang usa ka lugar mao lamang ang Department of Agriculture.
Giklaro ni Dr. Alegado nga negatibo sa ASF ang dakbayan sa Butuan.
Ang pamahayag ni Dr. Mancio Danilo Alegado, ang city veterinarian sa Butuan sa interview sa RMN DXBC. [image: quaratine.jpg]

Facebook Comments