Dipolog City – Nakabsan sa kinabuhi ang usa ka foreman human ang iyang gimanehong single motor, nakahig sa giobertikan niining fish carrier truck, bandang alas 5:45 kaganihang hapon sa may bypass road Brgy. Turno, particular paigon lusot sa Brgy. Galas ning dakbayan sa Dipolog.
Ang biktima naila nga si Erwin B. Balios, kapin 30 anyos ang edad, minyo og lumulupyo sa Brgy. Sinaman sakop ning dakbayan.
Sa nakuhang report sa rmn dxdr nasayran, kining biktima gikan sa trabaho paingon na unta pauli sa Brgy. Sinaman, nagmaneho sa iyang single motor xrm kolor pula ug puti combination.
Pag-abot sa dapit hitaboan, niobertik matud pa kini sa gisunda’ng fish carrier double i-beam truck nga gimanehoan ni Peter Paul Cano, 50 anyos nga taga lungsod sa Aurora, Zamboanga del Sur.
Apan aksidente niining napongitan ang nagbaklay nga si Lucia Alvarez, 54 anyos, hinungdan sa pagkasarasay sa gimanehong single motor diin didto nasaghid sa kilid sa fish car ug nakahig pipila ka metros ang gilay-on.
Patay diha-diha ang biktima human nakahiagom sa mga samad ug bali sa iyang lawas diin maayong pagbilwa sa tuong paa niini.
Ang pedestrian nga si Lucia nakahiagom sab ug injury daling gihatud sa recue 117 personnel sa Zamboanga del Norte Medical Center ug anaa na sa luwas nga kahimtang.
Ang drayber nga si Cano temporaryong naka-detain karon sa Dipolog City Police Station.
Sa interview sa rmn dxdr sa maong drayber gibutyag niini nga double-overtaking ang nahitabo kon diin matud pa iyang gi-overtakan ang lain single motor, ug mao nalang iyang namatikdan nga nakahig na sa kilid ang single motor nga gimaneho sa bikitma.
Gidugan pa niya nga nakaduhaan na siya sa aksidente sa Dipolog diin sa miaging tuig nidasmag sab sa iyang gimanehong Fish Car ang single motor sakay ang duha ka estudyante sa Saint Vincent nahitabo sa may bypass road Brgy, Sta. Isabel nga gikamatay sa usa ug angol ang kauban.
