Gipahigayon usab ang 21-gun salute ug sounding of taps sa City Mobile Force Company sa DCPO grounds uban ang tema nga ‘Legacy of Heroes: Inspiration of Future Generations’ diin gitambongan kini sa mga kadagkuan sa kapulisan ug uban pang opisyales.
Sa interbyu sa DXDC RMN Davao kang Police Major Catherine Dela Rey, Spokesperson sa DCPO, gibutyag niini nga ang paghinumdom sa SAF44 maoy pagrekognisa sa ilang sakripisyo nga dili gyud mahikalimtan sa tanan.
Dugang sa spokesperson nga gilaumang magsilbi kining inspirasyon sa mga umaabotay pa nga PNP members nga diha sa ilang panarbaho, andam silang motahan bisan sa ilang kinabuhi.
“Ang Philippine National Police karon, especially ang Davao City Police Office gi-remember nato ang ‘heroic sacrifice’ sa SAF 44 para makab-ot nato ang kalinaw diri sa atong nasud (ug ang) ilahang sakripisyo, dili gyud makalimtan,”segun ni Dela Rey.
RadyoMaN Don Pulayao
