Kalibo, Aklan – Uwa eon it kabuhi tag makit-an kaina it agahon rong sangka miyembro it Lupon sa sueod ko anang baeay sa Spanish Road, Brgy. New Buswang, Kalibo, Aklan.
Ro biktima nakilaea kay Ruben Ortega, 58-anyos ag residente man it nasambit nga lugar.
Sa report it Kalibo PNP nga matapos nanda mabaton rong impormasyon hay nagtawag sanda sa MDRRMO Kalibo para mag request it medical assistance.
Pag-abot sa area hay nakita nanda rong biktima nga naga eobog it patakilid raya pero ro anang mga siki hay nagaduot sa saeog, uwa eon raya naga hueag ag matsa uwa eon it kabuhi.
Sa ginpatigayon mat-a nga assessment ni Dr. Makariuz Tel Aviv Dela Cruz, Municipal Rural Health Physician hay ana raya nga gin deklarang patay mga alas 8:30 kaina ag ginapatihan inatake it anang masakit.
Nasayuran nga naga isaeanhon eamang rong biktima sa anang baeay bangud nga ro anang pamilya hay sa Metro Manila ag sa Libacao.
Nadiskubre eamang raya ko andang kaeapit baeay matapos nga gintan-aw nanda ro biktima bangud nga sa adlaw eon hay uwa pa raya naka bukas it anang baraka.
Sa makaron hay nagapadayon pa rong imbestigasyon it mga otoridad sa nasambit nga insidente.
(c) Kalibo Mdrrmo
