Davao City – Hisgutan karong adlawa ni Davao City Mayor Sara Duterte-Carpio ang mga guidelines sa General Community Quarantine (GCQ).
Sumala sa mayor nga ‘subject for review’ pa sa GCQ ang Davao City karong Mayo 1.
“Yes, mu-follow ta sa ilaha. Ang IATF adunay last say sa kung unsay categorization nimo sa quarantine. Kita kaganiha naa ta sa areas na mag GCQ pero dunay review sa quarantine,” matud niini.
Pahimangno sa mayor, angay i-manage ang expectation diha sa desisyon sa national government nga pagpailawom sa GCQ ang syudad.
“Mag remind lang ko sa inyuha again, nga ang GCQ DOES NOT MEAN GO. Naa gihapoy quarantine. Dili mo mag “Yehey!”, ug mag-andam og mga GCQ parties. It just means nga naa ta sa General Community Quarantine,” dugang sa alkalde.
Gipasabot niini nga sa GCQ, daghan na ang pwedeng makabalik sa trabaho ug daghan na ang pweding mangabli nga mga establisemento.
RadyoMaN Aimee Guinita
