Sasa PNP: Dili hit and run ang pagbangga sa motorista sa 2 ka mga estudyante

284
Davao City – Nagkasinabot na ang kabanay ug ang nakabanggang motorista sa duha ka mga estudyante nga dili na lang mupasang-at pa og kaso.

Sumala ni Police Major Jake Goles, Sasa Police Station Commander, dili hit and run ang nahitabo sa atubangan sa Panacan Public Market, diin duha ka mga bata nga nagedad 10 ug 7 anyos nga mga estudyante sa AFPLC Elementary School ang nabanggaan sa motor samtang nanabok kini sa pedestrian lane.

Niatubang ang driver nga si ADIO BANUGAN BANABAL, 49 anyos nga taga- Purok Hanginan Pichon Caraga Davao Oriental, kang Goles kagahapong adlawa ug giabaga ang mga medical expenses sa mga bata.

Matud ni Goles, gisulayan pa sa drayber nga muhunong apan naigo gihapon ang duha ka mga biktima sa kalit nga pagbrake sa motor.

Nagpadayon ang monitoring sa kapulisan ug obserbasyon sa duha ka mga bata nga nakahiagom og minor injuries sa aksidente.

Nanawagan si Goles sa tanang motorista nga respetuhon gayod ug mumenor sa mga pedestrian lanes aron malikayan ang disgrasya.



Samtang, padayon ang panawagan sa City Government of Davao sa mga motorista ug pedestrians na mag amping sa paglatas ug pagtabok sa kadalanan.

Matud ni Harvey Lanticse, City Information Office Head nga ang kapulisan, CTTMO ug HPG padayong gabantay sa mga kalsada ug naga-enforce sa balaod trapiko.


Panawagan niini sa mga motorista nga ma involve sa parehong insidente nga tabangan ang mga biktima.

Dugang niini, isumite usab ang kaugalingon sa mga awtoridad sama sa gibuha sa driver nga nainvolve sa maong road incident.

RadyoMaN Aimee Guinita

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments