General Santos City—sikop sa operatiba sa Police Station 4 ang usa ka sikad driver atol sa gihimong buy-bust operation sa may Barangay San Isidro Gensan alas 11:00 ang takna karong adlawa.
Suspek giilang si Bryan Carasco, 24, residenti sa Villegas Street, Brangay San Isidro ning dakbayan. Sa pahayag sa mga personahe sa Police Station 4 nasuta nga nagsugod ang transaksyon sa Nunez Street diin napalitan ug iligal nga droga ang nahisgutang suspek.
Apan samtang nagpadayon ang transaksyon, nakabantay ang nasangpit nga pulis ang nakig-sabot kaniya maong midagan kini ug misakay sa iyang sikad sibat padulong sa Sarangani Homes Phase 1.
Nag-ginokdanay pa ang pulis ug ang suspek hangtod nga nakorner sa lugar hain kini nadakpan.
Narekober gikan sa suspek ang shabu nga napalit kaniya ingon ang marked money. Sa kasamtangan ang suspek balhog na sa silda sa San Isidro Police Station ug ginaandam na ang kasong paglapas sa RA 9165 batok sa dinakpan.
