Simulation exercise sa Davao City generally peaceful

40
Davao City – Nagmalinawon ug nagmalampuson ang gilusad nga Simulation Exercises (SIMEX) kagahapong adlawa (September 27, 2022) sa Torres St., Davao City nga gisalmotan sa mga sakop sa awtoridad gikan sa Davao City Police Office, Task Force Davao, Public Safety and Security Command Center (PSSCC), Philippine Navy, Philippine Coastguard, Maritime Police, Tactical Operations Group-Davao sa Philippine Air Force, ug uban pang ahensya sa gobyerno.

Tulo ka scenario ang gipakita kagahapon sama sa paglabay sa granada, over shooter ug hostage taking.

Matud pa nga kini nga simulation mao ang pagsulay pag-usab sa operational nga pagpangandam ug inter-operability sa tanang miyembro sa Security and Safety Units sa pagtubag sa usa ka terror attack.

Samtang mapasalamaton usab si Davao City Mayor Sebastian Baste Duterte sa tanang ahensya sa gobyerno nga mipartisipar ug misuporta sa simulation exercise.

“Daghan kaayong salamat sa mga ni-participate ug seryoso gyud ni nga activity karong adlawa. Thank you kaayo sa inyong tanan sa efforts ug sa inyong pagserbisyo sa mga tawo sa Davao,” pamahayag ni Mayor Baste.

Una nang giingon sa PSSCC nga bisan unsang orasa karong semanaha ilusad ang SIMEX diin daan na nagpahinumdom ang otoridad sa posibilidad sa bug-at nga dagan sa trapiko.



Sumala sa PSSCC, ang maong simex gipahigayon isip pagpakusog sa kampanyang Culture of Security “May nakita, Dapat magsalita” sa siyudad.

RadyoMaN Don Pulayao

Facebook Comments