Lalaking napalgan sa Davao river giingong nag-agi og depression

56
Davao City – Walay nakitang foul play ang kapulisan sa San Pedro sa lalaking napalgang patay sa Davao River kagahapong adlawa, September 27, 2022.

Subay sa imbestigasyon ni PSSg Rogemar Estecomen, San Pedro Police Station Investigator, ang biktima giilang si Jerico Sarino, 21 anyos, construction worker.

Sa eksklusibong interbyu sa DXDC RMN Davao kang Romel Sarino, amahan sa biktima, iyang anak ang nakit-an sa Davao River ug nailhan kini pinaagi sa gisuot nga sinina human na missing niadtong Domingo sa gabii.

Segun sa amahan, mitambong sa birthday party sa iyang manghod ug nag-inum pa ang biktima kauban sa iyang mga paryente sa Awhag Village, Bacaca, Barangay 19-B, dakbayan sa Davao ug nananghid pa kini nga moadto sa iyang bunkhouseapan wala na kini naka-uli sa ilang pinuy-anan.

Kagahapon, una nang gikumpirma sa pamilya dinhi sa DXDC RMN Davao nga ang napalgang patayng lawas sa Davao river mao ang ilang kabanay nga na-missing niadtong mga miaging adlaw.

Nahinabi usab sa team sa DXDC ang iyaan sa biktima nga si Amie Albaro ug miingon nga nakasinati og depression ang biktima tungod giingong naadik kini sa dula sa ML, napasaran sa pagkaon, ug wala na nag-inum sa tambal.



Plano sa pamilya nga dalahon sa Brgy. Amacion, Kidapawan City, North Cotabato aron didto ipahiluna ang biktima.

RadyoMaN Don Pulayao

Facebook Comments