SINGKO ANYOS BATANG BABAYE PATAY SA SUNOG

GENERAL SANTOS CITY- Natusta og kalansay na dihang napalgan ang patayng lawas sa singko anyos nga batang babaye human masunog ang gipuy-an lakip na ang lain pang panimalay sa Purok Islam, Barangay Dadiangas South pasado alas-4 sayo sa buntag, Martes (July 23, 2019).

Unang giila ang biktima nga si Bai Nor nga matod pa sa iyang uyuan nga si Benjamin ang hinanok pa sa pagkatulog human niulbo ang sunog sa kabalayan sa Purok Islam. Gisulayan nga balikan sa uyuan ang pag-umangkon apan dako na kaayo ang kalayo sa lugar.

Nasayran nga sayong naninda sa Central Public Market ug gulay ang ginikanan sa bata rason nga nag inusara na lang kining nabiling tulog.
Matod pa kay Barangay Captain Rock Garay, nagsubo sab sila sa nahimong nadangatan sa pamilya ingon man sa nasunogan na mga residente.


Gibana-bana anaa sa dul-an 200 ka pamilya ang nabiktima sa sunog gilangkuban sa mga renters og owners. Giplanohan sab karon sa konseho nga ibutang sa evacuation center sa Barangay Bawing ang mga nabiktima. Gisubay usab karon pinaagi sa arson investigation ang hinungdan sa maong sunog.

Ginatantya pa karon sa Bureau of Fire Protection ang kinatibuk-ang damyos sa maong sunog.

For more info’s and updates, like and share our official facebook account : www.facebook.com/ifm91.9Gensanofficial/

[image: SUNOG.jpg]

Facebook Comments