Smuggled nga mga sigarilyo gi-abandona sa Margosatubig, nasakmit sa mga otoridad

Pagadian City – Malampusong nakumpiska sa mga kapulisan sa 2nd PMFC nga gipanguluhan ni PMSg Freddie Baang, Intel Operative, nga giunhan ni Pltcol Hummer T Dumalag, Force Commander ug mga personahi sa Margosatubig MPS ang mga smuggled nga mga sigarilyo sa galusad nga intel-driven police operation sa Purok Orchids, Barangay Poblacion, Margosatubig, Zamboanga del Sur alas 4:30 ang takna kagahapon sa buntag October 20, 2022.
Ang mga smuggled nga mga sigarilyo nasiplatan sa mga otoridad sa hagdanan nga kilid sa sa kalsada sa naasoy nga lugar kung diin pagkarga na lamang ang kulang.
Pag-abot sa mga kapulisan wala kini’y tag-iya nga nasakpan gumikan kay gibyaan na lamang sa naasoy nga lugar ang maong mga smuggled nga sigarilyo.
Nikabat sa 10 ka kahon ang mga smuggled nga sigarilyo nga mi-total sa kantidad nga 350,000 ka pesos.
Ang mga iligal nga sigarilyo ang gidala nagdto sa Margosatubig MPS alang sa dukumentasyon ug gilauman nga iturn-over ngadto sa buhatan sa Bureau of Customs alang sa hustung disposasyon.
Facebook Comments