Sobra 400K nga kantidad han shabu, nakumpiska ha V&G han Tacloban

4202

TACLOBAN CITY – Arestado ha ginbuhat nga buy-bust operation an usa nga lalaki ha Brgy. 109-A V&G Subdivision ha Tacloban City kakulop, February 25, 2019.

Subay ha report han Tacloban City Police Office, ginkilala an suspek nga hi Jeffrey Rosillo Macaso alyas “Tol/Jeff”, 36 anyos, may asawa, residente ha nasabi nga lugar.

Napalit han posuer buyer han pnp tikang ha suspek an usa (1) kapakete han gin-aaligar shabu ha kantidad nga P2,500 pero dayon ini n ga ginposasan han mga otoridad.

Nakumpiska pa tikang ha panimalay han suspek an baynte (20) kapakete han shabu nga nagkakantidad hin P400,000.00, usa nga weighing scale, ngan drug paraphernalia.

Sumala han Tacloban PNP, gin-iimbistigaran na nira an suspek tungod nga umangkon daw han retirado nga opisyal han national police commission an suspek.

Maatubang hin kaso ha pagtalapas ha Comprehensive Dangerous Drugs Act an suspek.

Facebook Comments