Ni Jay-ar M. Arante, RMN-DYKR Kalibo
Maga sentro sa nagakasari-sari nga bag-ong proyektong imprastraktura ro State of The Province Address (SOPA) ni Aklan Governor Florencio Miraflores sa maabot nga Huwebes.
Kaangot kara kasado eon man do SOPA ni Miraflores nga pagahiwaton sa bag-ong Sangguniang Panlalawigan Building sa Provincial Capitol sa banwa it Kalibo.
Samtang gina plantsa eon lang makaron do seguridad nga pagahimon sa palibot it nasambit nga building bangod sa pagatambungan daya it mga kilaeang personalidad sa probinsya ag mga opisyales it gobyerno sa Aklan.
Nasayuran nga bago ro SOPA hay pagahimuon anay ro inagurasyon ko bag-ong SP Building kung sa siin magiging dinapit nga bisita kara hay si Senador Cynthia Villar.
Ro nasambit nga SOPA hay para nga ipaabot sa pumueoyong Aklanon ro mga accomplishment nga haubra ko anang gobyerno umpisa ko pag-pungko nana ko nagtaliwan nga dag-on ag ro mga bag-ong proyekto ag plano nga ana pang pagaubrahon.
