Street food vendors estriktohan human sa Toril diarrhea outbreak

22
Davao City – Mas estriktohan karon sa City Government of Davao ang requirements alang sa mga street food vendors sa syudad human sa nahitabong diarrhea outbreak sa Toril District, Davao City diin unom ang natalang patay tungod sa food contaminations.

Sumala ni Davao City Mayor Sebastian ‘Baste’ Duterte (sa interbyu sa city-owned radio), gawas sa health card, kinahanglang magbaton og dugang rekisitos ug kinahanglang ma-comply sa nahisgutang vendors ang sanitation standards pagsigurong luwas ang ilang ginabaligya.

Dugang ni Mayor Baste nga kini kinahanglan og tabang gikan sa Barangay ug City Health Office (CHO) aron nga dili na masubli ang insidente.

“Kinahanglan pud nako ang kooperasyon sa Barangay, sa CHO. Kinahanglan gyud nato estriktohan. Dili nato nga mahitabo na usab tungod lang sa pagkaon,” sulti sa mayor.

Gisiguro usab sa alkalde nga mapanubag ang responsableng indibidwal sa maong outbreak labi na nga nikutlo og kinabuhi ang nahisgutang insidente.

RadyoMaN Kirby Manzon

Facebook Comments