Suicidio o accidente

TA CRE EL OTORIDAD POSIBLE YA COMETE SUICIDIO EL UN SENIOR CITIZEN QUIEN YA MURI DESPUES YA SOSTENE IRIDA DEL MAGA BALINA DESDE NA SU SUMPAC ADENTRO DEL DIILA CASA NA TRIPLITT, SAN JOSE DEL SABADO POR LA NOCHE.
DONDE EL VICTIMA AMO SI GABINO ABENA AUSTRIA, JR., 67 AÑOS DE EDAD.
MUERTO YA EL VICTIMA CUANDO YA LLEGA LE NA HOSPITAL PORCAUSA CON EL FATAL IRIDA NA SU PECHO.
EL ESPOSA DEL VICTIMA, SI TRINIDAD, 69 AÑOS DE EDAD YA HABLA CON EL MAGA PULIS BANDA 7:30 DEL NOCHE TA DUBLA LE ROPA NA SEGUNDO PISO DEL DIILA CASA CUANDO YA OYI YA LANG REBENTADA DE PUSIL TA SALE NA DIILA PUSENTO NA PRIMER PISO.
DAYUN YA ABAHA SI TRINIDAD Y YA ALCANSA LE CONSU ESPOSA EMFLASTAO NA DIILA CAMA MASANGRE T GUECO YA EL PECHO.
MAGA PULIS RECOBRI DOS SUMPAC NA PUSENTO DEL VICTIMA Y EL UNO TIENE PA CAPSULA NA CHAMBER QUE AMO EL YA REBENTA.
HACEGUN CON TRINIDAD, CADAVEZ SILA MAN FELYAHAN MAN MARIDABLE RECIO ESTE AMENASA QUE AY TERMINA LE SU VIDA NOHAY MAS DAO LE SIRVI.
PERO TA CONSEHA CONELE SI TRINIDAD HABLANDO TA AMA LE CON ESTE MUCHO Y NOMAS HACE EL COSAS HINDE BUENO.
PORCAUSA CON ESTE TA CONCLUHI EL PULIS POSIBLE SUICIDIO EL COSA YA SOSEDE.