Davao City – Gi-imbestigahan pa sa Bajada Fire Station ang hinungdan sa sunog kagahapon April 12, 2024 sa Purok 4-A, Garcia Heights, Brgy.19-B, Davao City.
Sa interview sa DXDC RMN Davao kang SFO2 Noel Ubatay, Chief Investigator sa Bajada Fire Station, gisulti niya, gibana-banaang unom ngadto na pito ka mga balay ang nasunog, gikan sa balay ni alias “Cathy”.
Segun ni Ubatay, estimated damage sa sunog kapin P300, 000. 00 og walay gika-report nga casualties o nasamdan sa sunog.
Samtang ang dul-an 20 ka mga pamilya apektado sa sunog, ang temporaryong gipabakwit sa ICC Immaculate Gym sakop sa maong Barangay.
Sumala ni Brgy. kagawad Barry Sobricarey, ang mga pamilya anaa sa evacuation center ug nakadawat na og initial nga tabang.
RadyoMaN Don Pulayao
Facebook Comments
