Suspek sa Attempted Murder, nadakpan

Malampusong nasikop sa mga kapulisan ang usa ka wanted nga personalidad sa kasong attempted murder atol sa operasyong gipahigayon pasado alas 11:50 sa buntag kagahapon didto sa Zone-2, Capitol Drive, Barangay 6, Malaybalay City, Bukidnon.

Giila ang suspek nga si Carl Sumintan, 26 anyos, ulitawo, ug residente sa Carmenville Subdivision, Casisang, Malaybalay City, Bukidnon.

Mukabat sa P120,000.00 ang piyansang girekomenda sa suspek pinaagi sa warrant of arrest sa kasong attempted murder nakadokit ilawom sa criminal case no. 39368-22 nga gi-issue ni Eldred Cole, Presiding Judge, Regional Trial Court, 10th Judicial Region, Malaybalay City, Branch 45, pinitsahan Agosto 3, 2022.

Gibalhog na sa Malaybalay City Police Station ang suspetsado alang sa tokmang disposasyon.

Facebook Comments