Suspek sa pagdunggab-patay sa Brgy. Canlanipa, Surigao City boluntaryo na mi-surrender Boluntaryo na mi-surrender an suspek sa pagpandunggab-patay sa Brgy. Canlanipa, Surigao City. Tagkilaya an suspek na si Edwin Sulueta Sanchez Jr., isa ka collector sa basura, residente sa Purok 6 sa susama na barangay. Kon kahinumduman, adton Disyembre 23 sa gabii sa Brgy. Gym samtang tagpahigayon an X’Mas Party, tagbuno niini hangtud na namatay an biktima na si Selverio Bongcalis Alvarez, 55 anyos resulta sa dugay na personal na away. Gamit an mahait na kutsilyo tagbuno ni Sanchez an biktima na naigo sa dubdub, rason sa hinanali na kamatayon niini. Si Sanchez an tagtakda na mag-atubang nan kasong Murder resulta sa amo na krimen na nahimo.
Facebook Comments
