Tagum PNP: Pagkalumos-patay sa 2 ka bata walay foul play

Davao City – Gikumpirma sa Tagum City Police Station (PS) nga walay foul play nga nakita sa kamatayon sa duha ka mga bata nga nalumos human nadala sa bul-og sa tubig sa sapa sa Apokon, Tagum City, Davao del Norte niadtong Dominggo, Enero 15, 2023.

Sa interbyu sa DXDC RMN Davao kang Police Lieutenant Colonel Jay Dema-ala, Chief of Police sa Tagum City PS, gibutyag niini nga human nakit-an ang patay’ng lawas ni Dianna Rose Javier, 7 anyos niadtong Lunes, nakit-an na usab mag alas 11:00 sa gabii niadtong Huwebes (Enero 19, 2023) ang lawas ni Jessa Mae Camilo, 9 anyos sa sapa sa Garinan, Barangay Madaum, Tagum City.

“Base sa investigator, wala namang foul play pero inencourage pa namin ang family na ipa-autopsy para ma-check talaga ‘yung bata,” matud ni Dema-ala.

Gibutyag sa police official nga walay kaubang hamtong ang mga bata ayha nahitabo ang insidente, rason nga ilang gipahinumduman labi na ang mga ginikanan nga bantayan ang mga aktibidad sa ilang mga anak labi na gyud ang mga menor de edad aron malikayan ang disgrasya o unsa mang insidente.

RadyoMaN Kirby Manzon